• اكتب معانا
  • ماتنسناش
  • تابعنا
الموضوع اللي جاي
أكبر شركة سيارات صينية هتعمل مصنع في مصر
الموضوع اللي فات
فيديو: شاب سعودي في أمريكا أجر طيارة وعلق فيها يافطة عشان يرحب بمحمد بن سلمان

عبد الحليم بيغني لأم كلثوم والقرآن بصوت كاظم الساهر.. 10 تسجيلات نادرة لمشاهير

دور بملقاط تلاقي

في نص التمانينات، كان فيه برنامج أسبوعي على إذاعة البرنامج العام، "من تسجيلات الهواة" بتقدمه مشيرة كامل، البرنامج كان بيعتمد على إن الناس يبعتوا التسجيلات النادرة اللي سجلوها وتتذاع، حلقات البرنامج مرفوعة على اليوتيوب، و- للأسف- عدد مشاهداتها قليل جدًا. اللطيف إن من سنتين التليفزيون المصري أعلن بثه لـ قناة "ماسبيرو زمان"، اللي بتعرض تراث ماسبيرو القديم بالأبيض والأسود، مبارايات وأغاني وأفلام وسهرات ولقاءات في التليفزيون ودراما نادرة ومسلسلات أصلية، أول ما ظهرت القناة كانت بتشتغل 8 ساعات بس، وبعدها بقت بتشتغل طول اليوم. حاولنا نجمع تسجيلات نادرة من "الضيب ويب"، الحاجات اللي عليها تراب وتستحق تتسمع:

1- سيد مكاوي - الأغنية الممنوعة:
ناس كتير كانوا بيقولوا عليه "مُلحن الجرنال"، عشان كان بيقدر يلحن أي وكل حاجة، لو قصادك جرنال، هيقدر يلحنه. التراك ده كان قاعد في سهرة حلوة وغنّاه، الناس قالوا إنه مش هو، بس التراك لِيه فعلًا: 


2- القرآن الكريم بصوت كاظم الساهر:
المفاجآة مش بس في التراك ده، على قد ما هي كانت مفاجأة إنه مثّل مسلسل كان من بطولته، مسلسل عراقي "المسافر"


3- محمد الموجي بيغنّي "رسالة من تحت الماء":
 كان في دويتو ناجح بين "الموجي" و"عبد الحليم" وهما من أكتر الثنائيات اللي اشتغلوا مع بعض وعملوا ألحان عظيمة، بس كان بينهم خلافات كتير، منها الأجر المادي مثلًا، بس على الرغم من الخلافات، نهاية مشوار حليم كانت مع "الموجي" في "قارئة الفنجان"


4- ليلى مراد بتصلِّي بالعبري في عيد الغفران:
"ليلى" كانت بتغنّي مع أبوها الملحن "زكي مراد" ترانيم يهودية، "زكي" كان عنده أمل كبير في بنته من وهي لسه طفلة، وكان بيتمنى إنها تدخل المجال الفني وقد كان. من فترة وزارة الخارجية الإسرائيلية نشرت على حسابها على تويتر التراك ده وقالوا إن "ليلى" غنته بمناسبة عيد الغفران:


5- الشيخ محمد عمران يغنّي "حبيب قلبي" لأم كلثوم: 
مرتبط معايا - بشكل خاص- بابتهال "فكم لله من لطف خفي"، فكانت مفاجآة لما اتكعبلت في فيديوهات لِيه بيغنّي فيها! مابيقولش فيها حاجة غير جملة واحدة، بس بالنسبالي- بيظهر فيها حبه لأم كلثوم. "بقى يقولي وأنا أقوله، وخلّصنا الكلام كُله"



6- عبد الحليم بيغنّي "ودارت الأيام" لأم كلثوم:
بعد الخلاف الكبير اللي حصل بين الست و"حليم"، وبعد ما تم لم شملهم، "حليم" غنّى "ودارت الأيام" في تسجيل خاص ونادر وغناها مرة تانية في حفلة في المغرب.


"عبد الحليم" غنّى "الحب كله":


7- بليغ حمدي بيغنّي "أنساك":
من أكتر الملحنين اللي غنّوا ألحانهم بإحساس، لحن "أنساك" للست، وغناها في حفلة سنة 82 


8- أحمد منيب مع محمد منير وداليدا
مش عارفة إيه القعدة "المثالية" دي؟ مين ممكن يقعد معاهم ومايبقاش مبسوط وراضي؟

9- القرآن الكريم بصوت محمد عبد الوهاب:
"عبد الوهاب" من الفنانيين القليلين اللي لقيت لهم سور من القرآن الكريم بأصواتهم.

10- نجاة وفريد الأطرش بيغنوا "هجرتك":

Home
خروجات النهاردة
Home
Home