• اكتب معانا
  • ماتنسناش
  • تابعنا
الموضوع اللي جاي
البحث عن فولكلور مصر في "الجمعية المصرية للمأثورات الشعبية"
الموضوع اللي فات
داعش بتهدد ميسي ونيمار بالقتل في كاس العالم

٧ حاجات بتخوف في مصر أكتر من الهالويين

مبقتش أخاف زي زمان

الهالويين داخل علينا ومدينتي هتتملى أندر إيج راسمين وشهم بمكياج والموضوع هيبهوق خالص. المعروف عن الهالويين إنه بيجي يوم واحد في السنة والمفروض إنه عيد هلع والناس هتلبس أزياء مخيفة ونحضر ايفنتات ولايلو لايلو لايلو لالا. الجديد بقي إن مصر طول السنة فيها حاجات مخيفة أكتر من الهالويين، فقررنا نعرفكم على شوية منهم

١- شهادة التحركات:
للي ميعرفش الحوار ده، وأنت مسافر الاتحاد الأوروبي -بالبلدي كدة الشنجن- بتحتاج تطلع شئ بشع اسمه شهادة التحركات ودي اللي بيتحسب فيها أنت سافرت فين آخر ٧ سنين وفي الأغلب بتاخد وقت طويل جدًا وبتطلع بايظة، وبتلاقي نفسك روحت كولالمبور وأنت كان آخرك جمصة 

٢- الركنة قدام كنيسة: 
بص هو احنا مش هنعرف نتكلم كتير في الحوار دا فيعني كلك نظر 

٣- حفلة مشروع ليلى:

اختلفت الأقاويل في النقطة دي، بس لو رايح حفلة ياريت ماتقولش لحد وتنزل متنكر عشان مابقاش في حاجة مضمونة في البلد دي 

٤- الحواجب التاتو:

ده لوحده كان زي تنكري بس معرفش مين اللي الله يسامحه قرر يطلعها موضة
 

٥- خالتك علي الفيس بوك:

ده مش غلط في خالتك لا سمح الله، بس في صراع أجيال اتنقل من الواقع لمواقع التواصل الاجتماعي فخد بالك بس لا تصحى تلاقي صورتك بكفولة علي الوول عندك ومكتوب عليها نونو حبيب خالتو 

٦- كمين الزعفرانة:

مش محتاج يبقي معاك حاجة كدة ولا كدة أنت بس تعدي ومعاك شنطتك ولابس شورتك وربنا معاك ان شاء الله 

٧- وفاء الكيلاني:

اللي بيتفرج علي تلفزيون هيفهم احنا عايزين نقول إيه، بس هو الحوار مش محتاج، اعمل سيرش عن وفاء الكيلاني على يوتيوب وهتستغرب إزاى يذيعوا حاجة زي كدة 

Home
خروجات النهاردة
Home
Home